Magne er dagleg leiar i Fantastiske Osberget og har vore med sidan starten. Han er utdanna pedagog og har i tillegg tre ulike grunnfag – mellom anna i data. Han er det vi kallar adjunkt med dobbelt opprykk. Magne har opparbeidd seg ein god del realkompetanse i designfaget og har tilsett fagleg dyktige designarar.
Ansvarsområdet til Magne er den daglege drifta av selskapet. Han utarbeider tilbod, skriv kontraktar og søknader, osb. I tillegg arbeider han med design av nettsider, magasin og bøker.
Magne seier at om du ikkje er på nettet som bedrift eller organisasjon, så eksisterer i realiteten ikkje verksemda di. Derfor er nettsider den viktigaste kommunikasjonskanalen ut til kundane dine. Han arbeider også med bøker, som framleis er eit viktig medium.
Magne er redaktør for det historiske tidsskriftet til Ulstein historielag, som heiter Levd liv. Kvart år gir historielaget ut ei eiga bok med 15–17 ulike artiklar. I tillegg til å setje boka har han hatt ansvaret for éin til to artiklar.
www.levdliv.no
Saman med Ellen Skodjevåg Bø og Sytalaust har Magne hatt ansvaret for å setje opp magasinet Heimebane. Magasinet kom ut til jul 2020 og blei distribuert til alle husstandar i Ulstein, Hareid, Ørsta, Volda og Herøy. Designet og oppsettet var allereie etablert, så oppgåva til Magne var å setje inn innhaldet basert på ein mal.
fantastiskeosberget.com/prosjekter/heimebane-magasin
I samarbeid med idrettslaget Hødd har Magne hatt ansvaret for nettsidene til hovudlaget. Dette er ei samleside for heile organisasjonen Hødd. Nettsida blei lansert romjula 2020.
www.ilhodd.no
